Sesam skötuselur

1 kg skötuselur

4 msk sesamfræ

2 stk mandarínur

1 stk engiferrót

2 stk hvítlauksrif

1 stk blaðlaukur

Salt og pipar

1 dl soyjasósa

1 msk hunang

Sesamolía til steikingar

Aðferð

Afhýðið mandarínurnar og takið sundur í báta. Hreinsið og pressið hvítlaukinn. Hreinsið engiferinn og saxið smátt. Saxið blaðlaukinn.

Skerið skötuselinn í 100gr bita, veltið honum upp úr sesamfræjunum og saltið og piprið. Steikið í sesamolíunni á heitri pönnu í um mínútu á hvorri hlið. Bætið grænmetinu á pönnuna ásamt mandarínunum rétt áður en skötuselurinn er að verða tilbúinn. Hellið soyjasósunni og hunanginu saman við og látið sjóða örstutt.